"Son zəng"
Məktəbimizdə "Son zəng" tədbiri keçirilib.
Tədbirdə məktəbin şəhid məzunları İbrahim İbrahimov və Şəhriyar Qasımovun valideynləri iştirak edib.
Tədbir ilk öncə XI sinif şagirdlərinin səhnəyə dəvət olunması ilə başlayıb. Daha sonra Azərbaycan Respublikasının Dövlət Himnini səsləndirilib. Həmçinin, Ulu Öndər Heydər Əliyev və şəhidlərimizin xatirəsi bir dəqiqəlik sükutla yad edilib.
Giriş sözü ilə tədbiri açıq elan edən məktəbin direktoru Bağırova Xoşqədəm XI sinfi başa vurmaları münasibətilə məzunları təbrik edib, onlara gələcək təhsil həyatlarında nailiyyətlər arzulayıb və şagirdlərin vətənə, xalqa, dövlətə layiqli gənclər, şəxsiyyətlər kimi yetişəcəyindən əmin olduğunu bildirib. X. Bağırova daha sonra buraxılış imtahanlarında yüksək nəticə göstərən şagirdlərimizi fəxri fərmanla təltif edib.
" Son zəng" tədbirində məktəbin XI sinif şagirdləri müxtəlif rəqs nümunələri, ədəbi kompozisiyalar nümayiş etdirib, ürək sözlərini deyiblər.
Sonda isə məzunlar üçün son zəng çalınıb, onlar müəllimlərlə sağollaşıb və məktəb həyatı ilə vidalaşıblar.
