Qırğızıstan məktəbi ilə onlayn görüş
Azərbaycan Respublikasının Elm və Təhsil Nazirliyinin 19.12.2022- ci il tarixli F-709 nömrəli əmrinə əsasən 2023- cü ilin "Heydər Əliyev ili" elan edilməsi ilə bağlı məktəbdə bir sıra silsilə tədbirlər keçirilib.
Bu gündə məktəbin VIII sinif şagirdləri və rəhbərliyin iştirakı ilə Qırğızıstanın Heydər Əliyev adına 20 nömrəli məktəbin şagirdləri ilə onlayn görüş keçirilib. Görüş Azərbaycanın xilaskarı Ulu Öndər Heydər Əliyevin 100 illik yubileyinə həsr olunub. Hər iki məktəbin şagirdləri Heydər Əliyevə həsr olunmuş təqdimatlar əsasında çıxış ediblər. Şagirdlərimiz Heydər Əliyevin həyat və yaradıcılığı ilə bağlı çıxış ediblər. Qırğızıstan məktəblilərini maraqlandıran sualları ətraflı cavablandırıblar.
