"Sinif davranış jurnalları" nın monitorinqi
“Ümumi təhsil müəssisələrində şagird davranış qaydaları” nın tətbiqi ilə bağlı sənədləşmə işlərinin aparılması, qarşıya çıxan çətinlikləri öyrənilməsi və aradan qaldırılması məqsədi ilə "Ümumi təhsil müəssisələrində şagird davranış qaydalarının tətbiqi"nə nəzarət edən məsul şəxs, NİŞ-in üzvü psixoloq Aytən Məmmədova "Sinif davranış jurnalları" nın monitorinqini aparıb. Sənədləşmədə yaranan çətinlikləri müəyyənləşdirib. Daha çox müəllimlərin və sinif rəhbərlərinin qaydaların səviyyələrini və onlara müvafiq korreksiyaedici tədbirləri müəyyən etməkdə çətinliklərinin olduğu müəyyən olunub. Bu məqsədlə həmin müəllimlərlə iclas keçirilib, fikirləri dinlənilib, sualları cavablandırılıb. Çətinliklərin aradan qaldırılması istiqamətində müəllimlərə müvafiq tövsiyyələr verilib.
