"Düşün və yarat" müsabiqəsi
Azərbaycan Respublikası Mədəniyyət Nazirliyi, Elm və Təhsil Nazirliyi, Azərbaycan Televiziya və Radio Verilişləri Qapalı Səhmdar Cəmiyyəti, Xətai rayon İcra Hakimiyyəti, Azərbaycan Rəssamllar İttifaqı, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Heydər Əliyev ili” çərçivəsində elan olunmuş “DÜŞÜN VƏ YARAT!” adlı yaradıcılıq müsabiqəsinə əsər qəbulu başa çatıb.
Düşüncənin inkişaf etdirilməsi məqsədilə keçirilən müsabiqəyə ölkəmizin müxtəlif güşələrindən uşaq, yeniyetmə, gənc, ha belə, yaşlı nəslin nümayəndəsindən ibarət 12 yaşdan yuxarı 1000 nəfərə yaxın iştirakçı 1500-ə qədər rəsm əsəri, gil, karton, kağız, metal parçası, plasmas və s. materiallardan hazırlanmış bir əşya və texnoloji sistemlər təqdim etmişdilər.
İlkin seçimlərdə 300-ə yaxın müxtəlif sənət nümunəsi sərgilənib.
“DÜŞÜN VƏ YARAT !” müsabiqəsinin yekun sərgiləri 1 mart tarixində olub və məktəbimizi təmsil edən 7A sinif şagirdi Mələkxanım Gündüz qızı Abdullayeva sertifikata layiq görülüb.
