"Azərbaycan doğma yurdum" haqqında inşa yazı müsabiqəsi
BŞTİ-nin 22.09.2022- ci il tarixli F-300 nömrəli əmrinə əsasən "7-dən 17-yə vətənpərvər" layihəsinin keçirilməsi ilə əlaqədar məktəbin tədbirlər planı hazırlanaraq təsdiq olunub. "7 dən 17 yə vətənpərvər" layihəsinin keçirilməsində məqsəd şagirdləri Vətənə məhəbbət ruhunda tərbiyə etmək, onlarda vətənpərvərlik, xalqa, torpağa bağlılıq hissini yüksəltməkdən ibarətdir. Tədbirlər planına əsasən məktəbin dil ədəbiyyat müəllimi İlhamə Mahmudovanın təşkilatçılığı ilə IX-X sinif şagirdləri arasında "Azərbaycan doğma yurdum" mövzusunda inşa yazı müsabiqəsi təşkil olunub. Müsabiqənin əsas məqsədi məktəbliləri vətənpərvərlik ruhunda tərbiyə etmək, onlarda sərbəst düşünmə bacarıqlarını formalaşdırmaq, istedadlı bacarıqlı şagirdləri aşkar etməkdən ibarətdir.
