"Yollarda təhlükəsizlik davranışı öyrənək" adlı intellektual yarış
Heydər Əliyev Mərkəzinin direktorunun 11 noyabr 2022 - ci il tarixli F- 20 nömrəli ilə əmrinə əsasən "Yollarda təhlükəsizlik davranışı öyrənək" devizi altında Bakı şəhəri üzrə orta ümumtəhsil məktəblərinin şagirdləri arasında intellektual yarış təşkil olunub. Yarış yol hərəkəti iştirakçılarının həyat və sağlamlığının qorunması, yollarda təhlükəsiz və mədəni davranışın təbliği, məktəblilərin yol hərəkəti qaydaları barədə maarifləndirilməsi və nəqliyyat vasitələri ilə tanışlığının təmin edilməsi məqsədilə reallaşıb.
İntellektual yarışda Bakı şəhərindəki 55 orta ümumtəhsil məktəbinin 7-8-ci sinif şagirdlərindən ibarət komandalar iştirak edib.
Üç turdan ibarət yarışda yol hərəkəti qaydaları, avtomobillərin tarixi, nəqliyyat vasitələri, piyadalar və velosipedçilər, avtomobillərin quruluşu və təchizatı, işıqforlar, yol nişanları, yol hərəkəti qaydaları və digər mövzular üzrə suallar səsləndirilib. Yarışda məktəbimizin şagirdləri 23 balla beşinci yerə layiq görülüb. Şagirdlərimizi və uşaq birliyi təşkilatı rəhbəri Günay Şükürovanı təbrik edirik.
