"Daim qəlbimizdə yaşayan dahi rəhbər" adlı tədbir
Azərbaycan xalqının Ümummilli Lideri Heydər Əliyevin anım günü ilə əlaqədar "Daim qəlbimizdə yaşayan dahi rəhbər" adlı tədbir keçirilib.
Tədbir Azərbaycanın Dövlət Himninin səsləndirilməsi və Ulu Öndərin əziz xatirəsinin bir dəqiqəlik sükutla yad edilməsi ilə başlayıb.
Tədbirdə müstəqil Azərbaycanın qurucusu, Ümummilli Liderin həyat və fəaliyyətini əks etdirən videoçarx nümayiş olunub.Çıxış edənlər dahi şəxsiyyətin Azərbaycana rəhbərlik etdiyi dövrlərdə ölkədə həyata keçirilən quruculuq işlərindən, ölkəmizin inkişafı yolunda göstərdiyi saysız-hesabsız xidmətlərdən danışıblar.
Daha sonra şagirdlər Ulu Öndər Heydər Əliyevə, Vətənə, bayrağa həsr olunmuş şeirlər, mahnılar səsləndiriblər.
