"Əhməd Cavad dünyası"
Azərbaycan Respublikasının Prezidenti İlham Əliyevin Əhməd Cavadın 130 illiyinin qeyd edilməsi haqqında 20 aprel 2022- ci il tarixli sərəncamının icrası ilə əlaqədar məktəbin tədbirlər planı hazırlanaraq təsdiq olunub. Tədbirlər planına əsasən məktəbdə "Əhməd Cavad dünyası" adlı ədəbi-bədii kompozisiya təqdim olunub.
Tədbirdə çıxış edənlər xalqımızın istiqlal mübarizəsinə layiqli töhvələr vermiş vətənpərvər şairimizin xatirəsinin, onun əməllərinin daim qəlbimizdə yaşayacağını söyləyiblər.
Sonra şairin həyatı və ictimai fəaliyyətini əks etdirən videoçarx nümayiş etdirilib. Şagirdlər şairin şeirlərini və şeirlərinə bəstələnən mahnıları ifa ediblər.
Daha sora şagirdlərin ifasında Ə.Cavadın acı taleyinin bir anını əks etdirən səhnə nümayiş olunub.
