"Zəfər sənə yaraşır, Azərbaycan"
8 Noyabr- Zəfər Günü ilə əlaqədar olaraq 03.11.2022-ci il tarixində məktəbdə "Zəfər sənə yaraşır, Azərbaycan" adlı ədəbi-bədii kompozisiya təşkil olunub. Tədbirdə ilk öncə Azərbaycan Respublikasının Dövlət Himni səsləndirilib. Daha sonra 44 günlük Vətən müharibəsində şəhid olmuş igid oğullarımızın əziz xatirəsi bir dəqiqəlik sükutla yad edilib. Həmçinin tədbirdə 44 günlük Vətən müharibəsində qəhrəmancasına döyüşən məzunlarımız da iştirak ediblər. Tədbirdə şagirdlər vətənpərvərlik mövzusunda rəqs, şeir mahnı və səhnəciklər təqdim ediblər. 44 günlük müharibəyə həsr olunmuş videoçarx nümayiş etdirilib. Sonda məktəbin direktoru Xoşqədəm Bağırova çıxış edib. 8 Noyabr Zəfər Günü münasibətilə tədbir iştirakçılarını təbrik edib.
