Əhməd Cavadın 130 illik yubileyinə həsr olunmuş dəyirmi masa
Azərbaycan ədəbiyyatının görkəmli nümayəndəsi, şair, tərcüməçi, tanınmış maarifçi və ictimai xadim Əhməd Cavadın 130 illik yubileyi ilə əlaqədar məktəbin tədbirlər planı hazırlanaraq təsdiq olunub. Tədbirlər planına əsasən məktəbin dil ədəbiyyat müəllimi Hökumə Balacayevanın təşkilatçılığı ilə VIII-IX siniflər arasında "Taleyi Azərbaycanın taleyinə bənzər şair" mövzusunda dəyirmi masa ətrafında söhbət aparılıb.
Tədbirdə Hökumə Balacayeva Əhməd Cavadın keşməkeşli həyat yolu, ədəbi yaradıcılığı, ictimai - siyasi fəaliyyətindən şagirdlərə ətraflı barədə məlumat verib. Şagirdlər şairin şeirlərindən parçalar ifa ediblər. Hər bir şagird şairin həyat və yaradıcılığını əks etdirən təqdimatlarla çıxış ediblər.
