"Zəfərə gedən yolun başlanğıcı"
Məktəbin fəaliyyət planına əsasən 27 sentyabr Anım Günü ilə əlaqədar "Zəfərə gedən yolun başlandığı ilk gün" adlı ədəbi-bədii kompozisiya təşkil olunub. Tədbirdə ilk öncə Azərbaycan Respublikasının Dövlət himni səsləndirilib. Daha sonra Vətən Müharibəsində qəhrəmancasına döyüşərək şəhid olmuş igid oğullarımızın əziz xatirəsi bir dəqiqəlik sükutla yad edilib. Tədbirdə şagirdlər tərəfindən vətənpərvərlik mövzusunda şeir və mahnılar səsləndirilib, igid oğullarımızın keçdiyi döyüş yollarına həsr olunmuş videoçarxlar nümayiş olunub.
Sonda məktəbin direktoru Xoşqədəm Bağırova, məktəbin psixoloqu və müəllimləri də 44 günlük Vətən müharibəsi haqqında şagirdlərə ətraflı məlumat verdilər.
