"Xarıbülbül ətirli Bilik Günü"
15 sentyabr 2022-ci il məktəbimizdə Bilik Günü münasibətilə "Xarıbülbül ətirli Bilik Günü" adlı tədbir keçirilib. Tədbir Azərbaycan Respublikasının Dövlət Himni ilə açıq elan olunub. Şəhidlərimizin ruhu bir dəqiqəlik sükutla yad edilib.
Tədbirdə çıxış edən məktəbin təlim-tərbiyə üzrə direktor müavini Mustafayev Qurban öz çıxışında Qarabağda son günlər baş verən hadisələrdən danışıb. O, qeyd edib ki, ermənilərin Azərbaycan sərhədində törətdiyi təxribatlar nəticəsində Azərbaycan milli ordusunun əsgərləri arasında itkilərimiz olduğu üçün Bilik Gününü vətənpərvərlik ruhunda davam etdirəcəyik. Elm və Təhsil Naziri Emin Əmrullayevin əmrinə əsasən məktəbdə ilk dərslər Qarabağ Azərbaycandır ! mövzusuna həsr olunub. Canını vətən yolunda qurban verən şəhidlərin ruhu qarşısında baş əyirik.
Tədbirdə şagirdlər Vətənə, torpağa, şəhidlərə həsr edilmiş şeirlər söyləyiblər. İlk zəng çalındı və şagirdlərimiz dərsə başladılar.
