"Şuşa sən azadsan" adlı konfrans
BŞTİ- nin 31 mart 2022-ci il tarixli F-121 nömrəli əmrinə əsasən "Şuşa ili" ilə bağlı məktəbin tədbirlər planı hazırlanıb təsdiq edilmişdir. Tədbirlər planına əsasən 06.06.2022-ci il tarixdə "Şuşa sən azadsan" adlı konfrans keçirilib. Konfrans tarix müəllimi İlhamə İbrahimovanın təşkilatçılığı ilə keçirilib.
Konfransda ilk öncə Azərbaycan Respublikası Dövlət Himni səsləndirilib. Daha sonra Vətən müharibəsində şəhid olmuş oğullarımızın əziz xatirəsi bir dəqiqəlik sükutla yad edilib. Tədbirin təşkilatçısı tarix müəllimi İbrahimova İlhamə II Vətən müharibəsi haqqında geniş və ətraflı çıxışlar edib.
Tədbirdə məktəbin direktoru Xoşqədəm Bağırova, direktor müavinləri və II Vətən müharibəsində qəhrəmancasına vuruşan məzunlarımız Məmmədli Əli və Qasımlı Amil də iştirak edib. Vətən müharibəsində iştirak edən məzunlarımız öz təəssüratlarını şagirdlərimizlə bölüşdülər.
Sonda məktəbin azərbaycan dili və ədəbiyyatı müəllimi Elnurə Haqverdiyeva 44 günlük Vətən müharibəsi haqqında şagirdlərə geniş məlumat verib.
