"Şuşa azadsan" adlı açıq dərs
2022- ci il Şuşa ilinin elan edilməsi ilə əlaqədar məktəbin tədbirlər planı hazırlanıb təsdiq edilmişdir. Tədbirlər planına əsasən məktəbdə Şuşa ilinə həsr olunmuş silsilə tədbirlərin həyata keçirilməsi davam etdirilir. 04 may 2022- ci il tarixdə məktəbin tarix müəllimi Bilurə Əliyevanın təşkilatçılığı ilə "Şuşa azadsan" adlı açıq dərs keçirilib. Dərsdə məktəb direktoru Xoşqədəm Bağırova və direktor müavinləri iştirak etdi. Dərs zamanı Şuşa şəhərinin zəngin abidələri, memarlıq kompleksləri, göz oxşayan füsunkar təbiətindən bəhs olunub. Şagirdlər Qarabağın incisi olan Şuşa şəhərinin azad olunması haqqında öz təəssüratlarını bölüşdülər. Həmçinin şagirdlər vətənpərvərlik mövzusunda şeirlər söyləyiblər.
