STEAM AZERBAİJAN FESTİVALI
09 dekabr 2021-ci il tarixində paytaxt Bakıda SAF (STEAM Azerbaijan Festival) 2021 festivalının möhtəşəm açılışı baş tutub. Təhsil Nazirliyinin dəstəyi ilə keçirilən STEAM Azərbaycan layihəsi çərçivəsində ölkənin 6-11-ci sinif şagirdləri üçün ilk dəfə keçirilən bu tədbir Baku Expo Mərkəzində həyata keçirilib.
STEAM Azərbaycan Festivalında 10 kateqoriya üzrə yarışlar təşkil olunub.
Festivalın keçirilməsidə əsas məqsəd şagirdlərdə müxtəlif ideyaların reallaşdırılması, fərqli həll yollarının araşdırılması, istedadlı şagirdlərin üzə çıxarılması, biliklərin və bacarıqların qazanılması, təhsilalanların yeni əməkdaşlıqları üçün şərait yaratmaqdır. Tədbirə qatılan məktəblər içərisində 205 nömrəli tam orta məktəbdən Ağayev Rəvan və Məmmədov İbrahim iştirak edib. Onlar öz möhtəşəm çıxışları ilə festivala bir rəng qatmağa nail olublar. Lego Sumo senior kateqoriyası üzrə Respublika üzrə 2-ci yerə layiq görülüblər. Festivalda iştirak edən hər bir şagirdə uğurlar arzulayırıq.
