QAZİLƏRLƏ GÖRÜŞ
Bakı Şəhər üzrə Təhsil İdarəsinin 08.09.2021-ci il tarixli F-191 nömrəli əmrinə əsasən 27 sentyabr Anım günü və 8 noyabr Zəfər gününün qeyd olunması ilə bağlı tədbirlər planına əsasən "Qazilərlə görüş" adlı dəyirmi masa ətrafında şagirdlərlə maarifləndirici söhbət aparılıb. Vətən uğrunda canını fəda edən şəhidlərimizin əziz xatirəsi 1 dəqiqəlik sükutla yad edilib.
Görüşün keçirilməsində məqsəd Vətən müharibəsində yaralanmış qazilərimizin keçdiyi döyüş yolunu, onların göstərdikləri şücaəti uşaq və gənclərə tanıtmaq, onları vətənə sevgi ruhunda tərbiyə etməkdən ibarət idi.
Qazilər müharibə ilə bağlı öz xatirələrini bölüşdülər, göstərdikləri igidliklərdən bəhs edib, şagirdləri maraqlandıran sualları cavablandırıblar.
Sonda onlar gənclərimizə vətənpərvərlik hissinin aşılanmasında göstərdikləri xidmətə görə Fəxri fərmanla təltif olunublar.
