ŞƏHİD MƏZUNUMUZ İBRAHİMOV İBRAHİMİN ANIM GÜNÜ
08 oktyabr 2021-ci il tarixdə məktəbimizdə II Qarabağ müharibəsində torpaqlarımızın bütövlüyü uğrunda gedən döyüşlərdə qəhramancasına şəhid olan məzunumuz İbrahimov İbrahim Abdulla oğlunun doğum günü qeyd olunub.
Tədbirdə şəhidin ailə üzvləri, Binəqədi qəsəbə şəhidlərinin ailə üzvləri, müəllimlər şagirdlər iştirak etdilər. Şagirdlərin hazırladıqları ədəbi-bədii kompozisiyalar təqdim olunub. Məktəbin direktoru Xoşqədəm Bağırova çıxış edərək xalqımızın mübarizə əzmindən, şəhidliyin aliliyindən, şəhid İbrahimin qısa və şərəfli yolundan danışıb. Şəhid anası tədbiri təşkil etdikləri üçün məktəb rəhbərliyinə təşəkkür etdi.
Ehsan süfrəsi ətrafında İbrahimin göstərdiyi qəhrəmanlıqlardan danışılıb.
Daha sonra şəhidin ailə üzvləri və məktəb rəhbərliyi şəhidin məzarını ziyarət etdilər əklillər qoyaraq ruhuna dualar oxumuşlar.
Qəhrəmanlıq tariximizə öz qanları ilə əbədi imza atan şəhidlərimizin xatirəsi qəlbimizdə əbədi yaşayacaqdır.
