Şagirdlərimiz KOSMİK Akademiyanın nümayəndələri ilə görüşdü
Şagirdlərimiz KOSMİK Akademiyanın nümayəndələri ilə görüşdü
Azərkosmosun nəzdində fəaliyyət göstərən KOSMİK Akademiya, Beynəlxalq Kosmik Olimpiadada iştirakı istiqamətində fəaliyyətlərinin monitorinqini aparmaq məqsədilə proqram iştirakçısı olan şagirdlərimizlə görüş keçirdi. Görüş zamanı Akademiyanın fəaliyyəti, kosmos sahəsində innovativ layihələr və Beynəlxalq Kosmik Olimpiada haqqında ətraflı məlumat verildi.
Tədbir interaktiv xarakter daşıyırdı və şagirdlər kosmos və aerokosmik texnologiyalar sahəsində suallarını səsləndirərək mütəxəssislərlə maraqlı müzakirələr apardılar. Görüş, şagirdlərimizin elmi biliklərini artırmaqla yanaşı, onların gələcəkdə bu sahəyə marağını daha da artırmaq baxımından mühüm rol oynadı.
Kosmosun sirlərini kəşf etməyə maraqlı olan gənclərimiz üçün bu görüş ilhamverici və motivasiyaedici oldu.
#Azərkosmos
