202 №-li tam orta məktəb

 Açıq havada sağlamlıq və əyləncə dolu dərs! 
Bu gün 1a və 4a sinif şagirdləri fiziki tərbiyə dərsini Heydər Əliyev Mərkəzinin geniş və yaşıllıqla əhatələnmiş həyətində keçirdilər.
Açıq havada keçirilən bu dərs şagirdlərimizin həm fiziki aktivliyini artırdı, həm də onlara təmiz hava və təbiət qoynunda dərsdən zövq alma imkanı yaratdı. 
Sağlam bədəndə sağlam ruh! 

#AçıqHavaDərsi #FizikiTərbiyə #SağlamHəyatTərzi #HeydərƏliyevMərkəzi #İbtidaiSinif #TəhsilSevincdir

Maarifləndirici Seminar: “Yaxşı və Pis Toxunuşlar”
 Məktəbimizdə 1-ci sinif şagirdləri ilə önəmli bir mövzu ətrafında seminar keçirildi.
 “Bədənim mənimdir!” mesajı ilə uşaqlara bədən sərhədləri, şəxsi məkan və toxunuşların növləri haqqında sadə və anlaşılan şəkildə məlumat verildi.
Uşaqlar “yaxşı” və “pis” toxunuşun fərqini öyrəndi, özlərini narahat hiss etdikləri anda “yox deməyi”, etibar etdikləri bir böyüyə danışmağın əhəmiyyətini anladılar.
Seminar boyu interaktiv fəaliyyətlər və sadə oyunlarla mövzu daha da yadda qalan hala gətirildi.
Sonda uşaqlar duyğularını ifadə etdilər və “özümü necə qorumalıyam?” sualına cavab axtardılar.
 Məqsədimiz: Uşaqların öz bədənlərinə hörmət etməyi, sərhədləri tanımağı və güvəndə olduqlarını hiss etdikləri bir məktəb mühiti yaratmaqdır.

 Kiçik yaşda doğru maarifləndirmə, böyük təhlükələrin qarşısını almağın ən güclü yoludur.
Psixoloq: Türkan Nəcəfova
#BədənimMənimdir
#YaxşıVəPisToxunuşlar
#PsixolojiMaarifləndirmə
#UşaqlarÜçünTəhlükəsizlik

Böyük Summativ Qiymətləndirmələrin (BSQ) yoxlanılması prosesi uğurla başa çatdı!

Müəllimlərimizin əzmi, diqqəti və məsuliyyəti sayəsində qiymətləndirmə mərhələsi şəffaf və obyektiv şəkildə tamamlandı. 
Bu prosesdə əziyyəti keçən bütün müəllimlərimizə dərin təşəkkürümüzü bildirir, fədakarlıqlarını yüksək qiymətləndiririk. 

#BSQ2025 #QiymətləndirməProsesi #Əməkdaşlıq #TəhsilUğrunda #MüəllimƏməyi #ŞəffafQiymətləndirmə

STEAM’ool Olimpiadası – Seçim turu

Bu gün məktəbimizdən 11 komanda STEAM’ool Olimpiadasının seçim turu mərhələsində iştirak etdi.

İştirakçılar komanda şəklində, bir kompüter arxasında onlayn qapalı test suallarını cavablandırdılar.

 Qaydalar üzrə:
    •    İmtahan yalnız bir kompüter vasitəsilə keçirilir;
    •    Bütün komanda üzvləri eyni vaxtda həmin kompüter arxasında iştirak etməli və sualları birlikdə müzakirə edərək cavablandırmalıdırlar;
    •    Bu mərhələdə fərdi iştirak mümkün deyil – komanda işi əsas şərtdir;
    •    Hər komanda yalnız bir dəfə imtahana daxil ola bilər.

 Bütün komandalarımıza uğurlar arzu edirik! 

Asudə vaxtın səmərəli təşkili
“Dəyərlərimizi qoruyaq” layihəsi çərçivəsində ekskursiya

3a sinif şagirdləri sinif rəhbərləri Məmmədova Rəna ilə birgə “Dəyərlərimizi qoruyaq” layihəsi çərçivəsində Zirə Eko Parkına ekskursiya etmişlər. Ekskursiyanın əsas məqsədi şagirdlərdə ekoloji düşüncə tərzini formalaşdırmaq, onları təbiəti qorumağa təşviq etmək və asudə vaxtlarını mənalı keçirmələrinə şərait yaratmaq olmuşdur.
Şagirdlər parkda müxtəlif bitki növləri, ekoloji layihələr və təbiətin mühafizəsi ilə bağlı maraqlı məlumatlarla tanış olmuş, açıq havada xoş və yadda qalan vaxt keçirmişlər.