202 №-li tam orta məktəb

Bu gün I, II sinif şagirdləriylə “Uşaq hüquqları” , “Özünümüdafiə”, “ Yaxşı və pis toxunuşlar” haqqında məktəbin psixoloqu tərəfindən maarifləndirici psixoprofilaktik söhbət aparılmışdır. Məqsəd şagirdlərin öz hüquqlarını bilməsi, özlərini düzgün müdafiə edə bilmələri, yaxşı və pis toxunuşların mahiyyəti, fiziki və cinsi zorakılıqlara məruz qalmamaları üçün maarifləndirməkdən ibarət idi.

#uşaqlarımızıqoruyaq

#uşaqlarımaarifləndirək

#onlardəyərlidirlər

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

Vlll siniflərdə 3 fəndən ( Tədris dili, riyaziyyat, ingilis dili) rəqəmsal BSQ keçirildi.
 Qeyd edək ki, Böyük summativ qiymətləndirmə rəqəmsal pilot layihə olaraq həyata keçirilir. Pilot layihə məktəbin V- VIII siniflərində Tədris dili, riyaziyyat, ingilis dili və Azərbaycan dili (dövlət dili kimi) fənnləri üzrə keçirilir.

#rəqəmsalBSQ
#virtualməktəb
#uğurlulayihə

28 may -Müstəqillik Günü

Biz Müstəqillik Gününü qalib xalq kimi qürurla qeyd edirik!

Bu münasibətlə keçirilən tədbirdə bir sıra qonaqlar da iştirak etmişlər.

Birinci Qarabağ müharibəsi şəhidi Rəsulov Rauf Abbas oğlunun ( 1993-cü ildə Ağdərənin Canyataq Gülyataq bölgəsində gedən döyüşlərdə itkin düşüb, 2005-ci ildə şəhidlik statusu almışdır) anası, 44 günlük Vətən müharibəsi şəhidi, məktəbimizin şagirdi olmuş İbrahimov İsrafil Zülfüqar oğlunun ( 2017-ci ilin may ayında hərbi xidmətini bitirmiş, müddətdən artıq həqiqi hərbi xidmətdə 1 il 6 ay idi ki, qulluq edirdi. Müharibə başlayanda könüllü olaraq xüsusi təyinatlılarla 27 sentyabr tarixindən Cəbrayıl, Qubadlı, Laçın uğrunda gedən döyüşlərdə iştirak etmiş, 26 oktyabr 2020-ci ildə Laçın uğrunda gedən döyüşlərdə şəhidlik zirvəsinə ucalmışdır.) anası, Vətən müharibəsi qazisi Bağırov Şulan Azər oğlu ( Zəngilan və Cəbrayıl uğrunda döyüşlərdə iştirak etmiş, Zəngilanda Ağbəddə şəhid və yaralıları çıxaran zaman tank əleyhinə minaya düşmüşdür.) və Vətən müharibəsi qazisi, məktəbimizin məzunu (9-cu sinif) Allahyarov Ağayar Allahyar oğlu ( Cəmşid Naxçıvanski adına hərbi liseyi bitirmiş, Heydər Əliyev adına Ali Hərbi məktəbə daxil olmuşdur. İki il ümumi qoşun, iki il Xüsusi Təyinatlı ixtisasına yiyələnərək 2001- ci ildə Heydər Əliyevin iştirakı ilə Xüsusi Təyinatlı zabit olaraq məzun olmuşdur. Bir sıra döyüş tapşırıqlarında uğurla iştirak etmiş, sonuncu olaraq Tərtər istiqamətində Əməliyyatı icra edərkən başından zədələnib ordudan tərxis olunmuşdur.)

Müəllim: Şəfa Mirzəyeva 2b sinfi

#MüstəqillikGünü

26 may tarixində Nərimanov rayonu üzrə təhsil müəssisələrində fəaliyyət göstərən Kiçik Akademiyanın hesabat konfransı keçirildi. Konfransda şagirdlər öz təqdimatları ilə çıxış etdilər. Məktəbimizi təmsil edən Nəzrin Mirzəyeva "Azərbaycan Səlcuq İmperiyasının tərkibində" mövzusunda apardığı tədqiqatının təqdimatını etdi. Kiçik Akademiyanın üzvü olan şagirdimiz bu təqdimatına görə "Tərifnamə" ilə təltif olundu. Şagirdimizi təbrik edirik