Şagirdlərimiz Həsən bəy Zərdabi adına Təbiət Tarixi Muzeyində
Şagirdlərimiz Həsən bəy Zərdabi adına Təbiət Tarixi Muzeyində
Müəllimlər: Yeganə Mirzəyeva, Səadət Mürvətova 6a sinfi
Həsən bəy Zərdabi adına Təbiət Tarixi Muzeyi keçmişimizdən bizə qalan vacib bir yaddaş və həqiqi bir xəzinədir. Əsası Xalq Cümhuriyyəti dövründə qoyulan bu muzey Sovet dövründə ölkədə elmin inkişafı ilə böyümüş və inkişaf etmişdir. Başqa-başqa vaxtlarda Geologiya və Zoologiya institutlarının nəzdində olması muzeyin kolleksiyasını müxtəlif zamanlara aid nümunələrlə zənginləşdirmişdir. Muzeyin binası arzuolunan səviyyədə olmasa da, içindəki eksponatlar kifayət qədər yaxşı saxlanılıb. Muzeyin ərazisi və ona ayrılan resurslar bu eksponatları layiqincə nümayiş etdirməyə icazə verməsə də, təbiətlə maraqlanan hər kəs bu muzeyə nəinki bir, həm də bir neçə dəfə ziyarət edib, hər dəfə maraqlı və yeni şeylər öyrənə bilər. Eksponatlar əsasən paleontoloji və zooloji nümunələr bölməsindən ibarətdir ki, bu da muzeyin keçmişini əks etdirir. Muzeyin bir yarısı, əsasən Azərbaycan ərazisindən tapılan fosilləri və mineral daşları nümayiş etdirir. Digər yarısı isə taksidermiya ilə qorunub saxlanmış və ölkədə mövcud olan heyvanlardan ibarətdir.
