10 oktyabr – Ümumdünya Psixi Sağlamlıq Günüdür
10 oktyabr – Ümumdünya Psixi Sağlamlıq Günüdür
Hər il oktyabrın 10-u dünyada Ümumdünya Psixi Sağlamlıq Günü kimi qeyd edilir. Bu gün 1992-ci ildən Ümumdünya Psixi Sağlamlıq Federasiyasının təşəbbüsü ilə BMT-də qeyd olunan ümumdünya və beynəlxalq günlər siyahısına daxil edilib. Ümumdünya Səhiyyə Təşkilatının (ÜST) məlumatına görə, hazırda dünyada 450 milyondan çox insan psixi xəstəlikdən əziyyət çəkir.
Ümumdünya Psixi Sağlamlıq Gününün vəzifəsi psixi sağlamlıq probleminə yanaşmada əhalinin məlumatlılıq səviyyəsini yüksəltməkdir.
Bu məqsədlə psixi pozğunluğun profilaktikası üçün məktəbdə VI-IX sinif şagirdləri ilə “Stress və onun idarə olunması” adlı maarifləndirici söhbət aparılmışdır. Profilaktik söhbət məktəbin psixoloqu və UBR-i tərəfindən aparılmışdır. Məqsəd şagirdlərin psixi sağlamlığının qayğısına qalmaq, psixi sağlamlığa zərər olan zərərli vərdişlərdən uzaq qalmaqdır.
