Şərəfli ömür yolu
197 nömrəli tam orta məktəbdə tarix müəllimi Mavilə Səlimovanın təşkilatçılığı ilə ulu öndər Heydər Əliyevin anım günü ilə əlaqədar “Şərəfli ömür yolu” mövzusunda ”Dəyirmi masa” keçirilib.
Tədbirdə ümummilli lider Heydər Əliyevin əziz xatirəsi bir dəqiqəlik sükutla yad olunub. Dünya şöhrətli siyasi xadim, müasir Azərbaycan dövlətinin memarı və qurucusu Heydər Əliyevin zəngin həyat və fəaliyyəti, xalqımızın tarixindəki misilsiz xidmətləri haqqında danışılıb. Dahi şəxsiyyətin diqqət və qayğısı sayəsində digər sahələr kimi, elm və təhsildə də böyük nailiyyətlərin əldə olunduğu vurğulanıb. Tədbirin sonunda ulu öndərin həyat və fəaliyyətinə dair videoçarxlar, filmlər izlənilib.
