Mən və mənim əhatəm
Məktəbdə psixoloji xidmət sahəsində görülən işlər mütəmadi olaraq davam etdirilir.
Reproduktiv sağlamlıq tədrisi üzrə VIII,IX sinif şagirdləri ilə məktəbin təşkilatçısı İradə Salmanova və Uşaq birliyi təşkilatı rəhbəri Vüsalə Heydərova "Mən və mənim əhatəm" mövzusunda məşğələ keçiriblər. Şagirdlərə dostluğun onlar üçün əhəmiyyəti barədə, dostluq və dostluğa verilən tələblər, yeniyetmə oğlanlar və qızlar arasında dostluq münasibətləri kimi suallar ünvanlanıb. Şagirdlər anonim şəkildə kiçik kağızlarda sinif şagirdləri haqqında suallara cavab yazıblar. Bununla bərabər uşaqlara yeniyetməlik dövrünün dostluq münasibəti, yeniyetmənin dost anlayışı kimi bir sıra mövzulara da toxunublar. Məşğələ şagirdlər arasında çox maraqla qarşılanıb. Müzakirə əsasında suallar verildi.
