YARAT Müasir Incəsənət Muzeyinə ekskursiya
Noyabr ayının 2-də məktəbimizin 4”D” sinif şagirdləri Səbail rayonunda yerləşən Yarat Müasir İncəsənət Muzeyində ekskursiyada oldular.Şagirdlərin ekskursiyada iştirakını məktəbimizdə gənc diyarşünas dərnəyini aparan Rəhilə Rüstəmova təmin etdi.
Muzeyin bələdçisi muzeyin tarixi, eyni zamanda orada yerləşən yeni kitabxana, rəssamların maraqlı əsərləri barəsində ətraflı məlumatlar verdi. Həmçinin şagirdlərin rəssamlıq qabiliyyətini yoxlamaq məqsədilə intellektual oyun keçirildi. Bu oyunun keçirilməsi şagirdlərin daha çox marağına səbəb oldu. Muzey bələdçisi şagirdləri maraqlandıran sualları cavablandırdı.
Müxtəlif ekskursiyalarda şagirdlərin iştirakını təmin edən aidiyyatı müəssisələrə, eyni zamanda dərnək müəllimi Rəhilə Rüstəmovaya təşəkkürümüzü bildiririk.
