İbtidai sinif şagirdlərinin bayram sevinci
9 Noyabr - Dövlət Bayrağı Günü münasibətilə məktəbimizdə keçirilən silsilə tədbirlər sırasında ibtidai sinif şagirdlərinin hazırladıqları maraqlı kompozisiyalar, mahnı və şeir nümunələri xüsusi maraq doğurdu.Belə ki, sağlam təhsil sinfi olan 4”A” sinfinin şagirdləri və sinif müəllimi Sevil Qənbərova çox maraqlı bir tədbir hazırladı.Tədbirdə şagirdlərin vətənpərvərlik mövzusunda ifa etdikləri mahnılar, göstərdikləri səhnəciklər yaddaqalan oldu.
1”D” sinif şagirdləri və sinif müəllimi Zeynəb Nəsirova balaca fidanları ilə çox gözəl bir bayram tədbiri təqdim etdi.Bayraq rəngində tikilən geyim nümunələri və milli rəqslərdə şagirdlərin ifası hər kəsə unudulmaz təəssuratlar yaşatdı.
Hər iki bayram tədbirində iştirak edən məktəb direktoru Akif Əliyev,direktor müavinləri Raya Həsənova və Ülviyyə Məmmədova çıxış edərək bayrağımızın tarixi köklərinə toxundular,tədbir iştirakçılarını bayram münasibətilə təbrik edib təşkilatçılara minnətdarlıqlarını bildirdilər.
