Bayraq Mənliyimdir, Bayraq Kimliyim!
Noyabr ayının 8-də məktəbimizdə üşrəngli bayrağımızın bərqərar olmasının 100 illiyi təntənəli surətdə qeyd edildi.
“9 Noyabr-Dövlət Bayraq Günü “ münasibəti ilə keçirilən tədbirimizdə hərbi rəhbər İslam Əzimovun məktəbimiz adından dəvət etdiyi şəhid ailələrinin nümayəndələri və qazilər iştirak etdilər. Belə ki, aprel döyüşlərində şəhid olmuş Anar Əsgərlinin anası Fərqanə Əsgərovanın, şəhid Mahir Mirzəyevin atası Sabir Mirzəyevin atası Sabir Mirzəyevin, şəhid mayor Rasim Məmmədovun qardaşı Şahin Məmmədovun,döyüşlərdə bir neçə güllə yarası almış qazi mayor Asif Rəsulovun və digər şəxslərin iştirakı məktəb kollektivini qürurlandırdı.
Vaxtilə məktəbimizin məzunu olmuş və vətən qarşısında döyüş tapşırığını yerinə yetirərkən bir ayağını itirmiş Elnur Ələkbərovun da qonaqlar içərisində olması tədbirimizi daha da ruhlandırdı.
Tədbirimiz vətən uğrunda canından keçən şəhidlərimizin əziz xətirəsinin 1 dəqiqəlik sükutu ilə başlandı, dövlət himnimizin oxunması ilə davam etdi.Tədbir boyu 7”A” və 7”C” sinif şagirdlərinin hazırladıqları şeir və mahnı nümunələri, musiqili kompozisiyalar hər kəsə unudulmaz anlar yaşatdı.
Tədbirin ərsəyə gəlməsində sonsuz əziyyətləri olan ədəbiyyat müəllimləri Aidə Mirzəyevaya, Cəmalə Cəfərovaya, musiqi müəllimi Lətafət Mustafayevaya, hərbi rəhbər İslam Əzimova, o cümlədən çıxış edən bütün şagirdlərimizə təşəkkürümüzü bildiririk.
