Şeir müsabiqəsində qalib olan şagirdimiz
“9 noyabr-Dövlət Bayrağı günü” münasibəti ilə Bakı şəhərində yerləşən orta ümumtəhsil müəssisələrinin şagirdləri arasında “Mənim bayrağım” mövzusunda keçirilmiş inşa yazı və şeir müsüabiqəsində Nəsimi rayon məktəbləri adından çıxış edən məktəbimizin şagirdləri yenə də fərqlənməyi bacardılar.
Müsabiqə qaliblərinin mükafatlandırılması mərasimi Gəncliyə Yardım Fondunda çox mötəbər qonaqların,elm və təhsil nümayəndələrinin iştirakı ilə keçirildi. Müsabiqə nəticələrinə əsasən 9”C” sinif şagirdi Məmmədova Nəzrin şeir müsabiqəsində fərqlənərək diplom, hədiyyə və pul mükafatı ilə qiymətləndirildi.
8”A” sinif şagirdi Osmanova Şəhla isə “Mənim bayrağım” inşa yazı müsabiqəsində uğurlu iştirakına görə şəhadətnamə əldə etdi.Hər iki şagirdimizi ürəkdən təbrik edir,gələcək müsabiqələrdə onlara uğur diləyirik.
