Ekologiya tədbiri
May ayının 17-də məktəbimizdə “Sağlam həyat tərzi” adlı ekoloji tədbir keçirildi.Tədbir məktəbin biologiya müəllimi Səlimə Bəkirova və musiqi müəllimi Lətafət Mustafayeva tərəfindən hazırlandı.Tədbir zamanı müxtəlif siniflərdən olan şagirdlər sağlam həyat tərziylə əlaqədar müxtəlif faydalı məlumatları tədbir iştirakçılarının nəzərinə çatdırdılar.Tədbirimizdə Uşaq Gənclər İnkişaf Mərkəzinin əməkdaşı Lalə xanım və digər qonaqlar çıxış etdi.
Tədbirin keçirilməsində əsas məqsəd həm də 9-cu sinif şagirdi Piri Muradın sağlam həyat tərzi ilə əlaqədar işləyib hazırladığı layihənin təqdimatı ilə bağlı idi.
Tədbirin bədii hissəsində şagirdlərin gözoxşayan çıxışları hər kəsin diqqətinə və marağına səbəb oldu.
Məktəbin direktoru Akif Əliyev fürsətdən istifadə edib məktəb kollektivinin qarşısında 60 yaşı tamam olan biologiya müəllimləri Səlimə Bəkirova və Solmaz Bayramovanı ürəkdən təbrik etdi,göstərdikləri səmərəli peşə fəaliyyətinə görə onları fəxri fərmanla qiymətləndirdi.
