N.Nərimanovun ev muzeyinə ekskursiya
N.Nərimanov Azərbaycanlı ictimai-siyasi xadim,yazıçı,publisist,həkim.
Azərbaycanın müsəlman şərqində nail olduğu bir çox ilklər, o cümlədən ilk konstitusiya onun adıyla bağlıdır. Nərimanov hakimiyyəti dövründə Azərbaycan xalqının adət və ənənələrinə dərin hörmət verilmiş, bütün dini və ənənəvi bayramlar rəsmi olaraq qeyri-iş günü hesab olunmuşdur. O, siyasətçidən əlavə bir maarifpərvər və dramaturq-yazıçı kimi Azərbaycan tarixində mühüm rol oynamış, ilk qiraətxananı açmışdır. Ədəbiyyatçı kimi Azərbaycan milli romanının ("Bahadır və Sona") və ilk tarixi faciənin ("Nadir şah") banisi kimi qalır. Onun hakimiyyəti dövründə bütün qonşu respublikalarla dostluq münasibəti saxlanılmışdır.
Azərbaycanın ictimai-siyasi həyatında mühüm rol oynamış N.Nərimanov şəxsiyyətini dərindən öyrənmək məqsədilə may ayının 12-də dahi şəxsiyyətin xatirə muzeyinə ekskursiya təşkil edildi.
Ekskursiya məktəbin tərbiyə işləri üzrə direktor müavini Ülviyyə Məmmədovanın rəhbərliyi ilə həyata keçirildi.Ekskursiyada məktəbin 7-ci sinif şagirdləri iştirak etdi.Şagirdlər N.Nərimanovun ev muzeyində ona aid olan bir çox şəxsi əşyalar ilə,oxuyub bəhrələndiyi kitablarla,həyatını və yaradıcılığını əks etdirən rəsmlərlə yaxından tanış oldular.Muzeyin bələdçisi Nərimanovun həyat və yaradıçılığına aid ən önəmli və mühüm məqamları şagirdlərin nəzərinə çatdırdı.
