Türkiyəli qonaqlar məktəbimizdə
BŞTİ-nin təçəbbüsü ilə məktəbimizdə Ankara, İstanbul, İzmir Milli Təhsil idarələrinin rəhbərləri, BŞTİ-nin müdiri və əməkdaşlarınıın, eləcə də Bakı şəhərinin 12 məktəb direktorunun iştirakı ilə tədbir keçirildi.
Kiçikyaşlı məktəblilərin ifasında səslənən Azərbaycan musiqisi və Türk Halayından sonra qonaqlar bir neçə sinif otağında dərs prosesini izləmiş, sonra isə məktəb muzeyində fikir mübadiləsi aparmışlar. Azərbaycanda həyata keçirilən təhsil islahatı, Təhsil Strategiyası və strateji istiqamətlər, bu istiqamətlərin həyata keçirilməsi sahəsində reallaşan uğurlu addımlar, məktəbimizdə hər bir şagird üçün məmnun tədris mühitinin yaradılması üçün rəhbərlik tərəfindən həyata keçirilən fəaliyyət istiqamətləri və bir çox maraqlı məqamları əks etdirən və qonaqlara direktor tərəfindən təqdim olunan vieo-çarx və təqdimat görüş iştirakçıları tərəfindən məmnunluqla qarşılandı. Sonda şagirdlərlə xatirə şəkilləri çəkildi.
