189-190 №-li tam orta məktəb

Anım günü ilə əlaqədar 189-190 nömrəli tam orta məktəbdə açıq dərslər, inşa və rəsm müsabiqələri keçirildi. Məktəbdə keçirilən tədbirdə 44 günlük Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş şəhidlərimiz bir daha anılmış, xatirələri əziz tutulmuşdur. Azərbaycan Dövlət Himni səsləndirildikdən sonra Azərbaycan Respublikasının Prezidenti İlham Əliyevin Vətən müharibəsi ilə əlaqədar çıxışı dinlənilmişdir. Daha sonra məktəbin 7-A sinif şagirdləri döyüşlərdə böyük qəhrəmanlıq, şücaət və peşəkarlıq göstərmiş Vətən oğullarına həsr edilmiş şeirlər söyləmişlər. Azərbaycan Respublikasının suverenliyi uğrunda mübarizədə rəşadət göstərmiş əsgər və zabitlərimizə həsr olunmuş video-çarx nümayiş etdirilmişdir. Məktəbimizin direktoru Fayaz Hüseynov çıxışında xalqın və ordumuzun bir yumruq kimi birliyindən, işğal altında olan torpaqlarımızı azad etmiş şəhidlərimizin və qazilərimizin vətənə olan sevgisindən, Ali Baş komandanın müdrik daxili və xarici siyasətindən danışdı. Qeyd etdi ki, məktəbimizin də 44 günlük müharibədə şəhid məzunları olmuşdur. Fərid Ələkbərov, Faiq Həsənov, Qüdrət Məmmədzadə və Hüseyn Novruzov qürurla anılacaq və xatirələri hər zaman uca tutulacaqdır. 2020 -ci il sentyabrın 27 -də başlamış ll Qarabağ müharibəsində həyatlarını itirən şəhidlərimizin ruhu qarşısında baş əyirik. Allah bütün şəhidlərimizə rəhmət eləsin! Zəfər bizimlədir!

Paytaxtın ümumi təhsil müəssisələrində 27 sentyabr Anım Günü ilə bağlı tədbirlər təşkil olunub.

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində Anım Günü ilə bağlı xüsusi dәrs, konfrans, seminar, mühazirə, “Dəyirmi masa”, vebinar, ədəbi-bədii kompozisiyalar, foto və rəsm sərgiləri, “Hüququndan keçәn әsgәr, hәrә bir qәhrәman oldu” mövzusunda inşa yazıları və yaradıcılıq müsabiqələri, intellektual oyunlar, fləşmob, idman yarışları keçirilib.

 Qalib Azәrbaycan xalqı vә Müzәffәr Ali Baş Komandanın fəaliyyətindən irəli gələn ideyalara köklənən tədbirlərdə Vətən Müharibəsi şəhidlərinin əziz xatirəsi bir dəqiqəlik sükutla yad edilib, 27 sentyabr Anım Günü barədə şagirdlərə ətraflı məlumat verilib.

Bildirilib ki, Vətən Müharibəsi zamanı haqq və şərəf işimiz olan, Azərbaycan Respublikasının suverenliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki insanlarımız, bütövlükdə xalqımız əzm və iradə, bir yumruq kimi birlik və həmrəylik nümayiş etdirərək, düşmənə sarsıdıcı zərbələr endirib.

Bununla da bizə tarix boyu unutmayacağımız şanlı Qələbəni yaşadıblar. Bu şanlı Qələbəyə gedən yolda canından keçərək əsl qəhrəmanlıq nümunəsi sərgiləyən Vətən övladlarının xatirəsinin yad olunması üçün Prezident İlham Əliyevin Sərəncamı ilə sentyabrın 27-si Azərbaycanda Anım Günü kimi təsis olunduğu şagirdlərin diqqətinə çatdırılıb.

Qeyd edək ki, şәhidlәrin xatirәsinә hәsr olunmuş ağacәkmә kampaniyaları, “Vәtәn var olsun!” şüarı ilə fləşmoblar, gülqoyma mәrasimlәri, şәhidlәrin ailәlәri ilә görüşlәr də keçirilib.

Bundan başqa, şagirdlərin Vətən Müharibəsi Memorial Kompleksinə və Hәrbi Qәnimәtlәr Parkına ekskursiyaları təşkil olunub.

Məktəbimizin 7-ci sinif şagirdləri Əsgərov Rauf və Əli Aleksandrov su polosu üzrə Bakı birinciliyi qazanmışlar.

13.09.2023 cü il tarixdə 189-190 nömrəli tam orta məktəbdə 2023-2024 cü tədris ilinin pedoqoji şurasının ilk iclası keçirildi. İclasda BŞTİ nin Təhsil işçilərinin konfransında qarşıya qoyulan prioritet istiqamətlər kollektivin nəzərinə çatdırıldı. 2023-2024 cü tədris ilinin Fəaliyyət planı təsdiqləndi. Kollektivə tədris ilində yeni nailiyyətlər və uğurlar arzulandı.

Yeni tədris ilində Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən ümumi təhsil müəssisələri üzrə ümumilikdə, 481 131 şagird təhsil alacaq.

BŞTİ-nin tabeliyindəki ümumi təhsil məktəblərinin I sinfində 40 500, IX sinfində 41 016, X sinfində 31 300, XI sinfində 26 887, XII sinfində 130 şagirdin təhsil alacağı proqnozlaşdırılır.

BŞTİ-nin tabeliyində fəaliyyət göstərən məktəbəqədər təhsil müəssisəslərinə 34 995 uşağın, ümumi təhsil müəssisələrinin məktəbəhazırlıq qruplarına isə 23 000-ə yaxın beşyaşlının cəlb olunacağı gözlənilir.

2023-2024-cü tədris ilində BŞTİ-nin tabeliyində fəaliyyət göstərən ümumi təhsil müəssisələrində 28 498 müəllim,  məktəbəqədər təhsil müəssisəslərində isə 4 375 tərbiyəçi-müəllim çalışacaq.

Qeyd edək ki, BŞTİ-nin tabeliyində 310 ümumi təhsil məktəbi, 3 xüsusi tipli ümumi orta məktəb və 5 əyani-qiyabi axşam məktəbi olmaqla, cəmi 318 məktəb, 344 məktəbəqədər təhsil müəssisəsi fəaliyyət göstərir.