İdman festivalı
“OCEP–Avropa Gənclərinin Olimpiya Festivalı” tarixində Azərbaycanda ilk dəfə Olimpiya Mədəniyyəti və Təhsil Proqramı həyata keçirilir. Proqramın əsas komponenti mədəniyyətlərarası əlaqə, təhsil, sosial məsuliyyət və məktəblərarası əməkdaşlıqdır.
Bizim məktəbimiz də “OCEP” layihəsi çərçivəsində İsveç məktəbliləri ilə əlaqə quracaq, nəinki, Azərbaycanın Olimpiya uğurları, eləcə də, mədəniyyəti, incəsənəti, təhsili barədə öz isveçli həmyaşıdlarını məlumatlandırmaqla bərabər, İsveç mədəniyyəti, tarixi, Olimpiya uğurları barədə yetərincə məlumata malik olduqlarını da nümayiş etdirəcəklər.
Festival vasitəsiylə şagirdlərdə, nəinki, idman və olimpizm, eyni zamanda təşkilatçılıq, komanda işi və liderlik formalaşacaqdır.
Məktəbimizdə keçirilən bugünkü Festivala Milli Olimpiya Komitəsinin məsul şəxsləri, o cümlədən, Mehman Kərimov, Elçin Səfərov, Olimpiya çempionu Zemfira Meftahətdinova, eləcə də digər hörmətli qonaqlar qatılmışlar.
Möhtəşəm tədbir 5 mart “Bədən tərbiyəsi və idman günü” və 8 mart Beynəlxalq Qadınlar günü ərəfəsində keçirilən bu möhtəşəm tədbir məktəbimizin həyatında yadda qalan hadisələrdən birinə çevriləcək.
