Zərərli vərdişlərə yox deyək
Müasir dövrdə bəşəriyyətin qarşısında duran ən ciddi problemlərdən biri də tütündür. Tütünün insan orqanizminə zərəri barədə nə qədər təbliğat aparılsa da, təəssüflər olsun ki, ondan istifadə edənlərin sayı getdikcə artır. Hazırda dünyanın bir çox ölkələrində olduğu kimi Azərbaycanda da tütünlə mübarizə ciddi şəkildə həyata keçirilir.Bildiyimiz kimi, zərərli vərdişlərə alüdəçiliyə yeniyetmələr arasında daha çox təsadüf edilir. Danılmaz faktdır ki, siqaret bir cox hallarda bəşəriyyətin bəlası olan narkomaniyaya meyilliliyin başlanğıcı ola bilər. Məktəbimizdə “Məktəblinin dostu” tərəfindən zərərli vərdişlərin mənfi təsirləri barədə VIII və IX sinif şagirdləri ilə məlumat xarakterli maarifləndirci və interaktiv təlimlərin həyata keçirilməsinin başlıca məqsədi də yeniyetmələrin bu qorxunc bəlalara yoluxmasını əngəlləməkdir.
