Şagirdlərimizin mədəniyyət abidələri və muzeylərə ekskursiyaları
Şagirdlər tərəfindən yaşadıqları ərazinin tarixi, mədəniyyət abidələri, tanınmış şəxsiyyətləri haqqında məlumatların toplanması və ümumiləşdirilməsi işinin təşkili məktəbimizdə uğurla həyata keçirilir. Son 1 ay ərzində şagirdlərimizin Səbail rayonu ərazisində yerləşən Miniatür kitab evinə, İncəsənət muzeyinə, “Yarat” İncəsənət Mərkəzinə, Nizami muzeyinə, Tarix muzeyinə, Xalça muzeyinə, Şirvanşahlar sarayına, Səməd Vurğunun ev muzeyinə, İçərişəhər Dövlət Tarix Memarlıq Qoruğuna ekskursiyaları təşkil olunur. Hər ekskursiyadan sonra dil - ədəbiyyat və tarix müəllimləri tərəfindən şagirdlərin ekskursiya barədə təəssüratları öyrənilir, şagirdlər arasında müvafiq sorğular aparılır.
