Şagirdlərimiz «Kaştanka» tamaşasında
Məktəbimizin 3d sinif şagirdləri YARAT Müasir İncəsənət Mərkəzinin dəstəyi ilə Abdulla Şaiq adına Azərbaycan dövlət Kukla teatrında görkəmli rus yazıçısı A.P.Çexovun eyni adlı əsəri əsasında səhnələşdirilmiş «Kaştanka» tamaşasına baxdılar. Şagirdlərin böyük maraqla izlədikləri tamaşa növbəti gün fənn müəllimi tərəfindən ana dili dərsində müzakirə edildi. Şagirdlər tamaşaya aid esse yazdılar və rəsm çəkmək üzrə bacarığı olanlar, hətta, şəkil də çəkdilər.
Şagird, müəllim və valideynlər adından belə maraqlı tamaşanın təşkilinə görə YARAT Müasir İncəsənət Mərkəzinin rəhbərliyinə təşəkkür edirik.
