Müstəqillik gününü qeyd edirik
18 oktyabr Müasir Azərbaycan tarixinin ən əlamətdar günlərindən biridir. Bu gün respublikamızın milli dövlətçiliyinin bərpası günüdür. Müstəqillik günü bu gün bizim məktəbimizdə də qeyd olundu. Bu gün münasibəti ilə təşkil edilmiş dəyirmi masada iştirak edən X sinif şagirdləri Heydər Əliyev tərəfindən Azərbaycan Xalq Cümhuriyyətinin varisi elan edilmiş Müstəqil Azərbaycan Respublikasının elan olunduğu tarixi şəraiti bir daha yada saldılar. Dəyirmi masada çıxış edənlər müstəqilliyi qazanmağın nə qədər çətin olsa da, onu qoruyub saxlamağın qat-qat çətinliyindən, mürəkkəb daxili və beynəlxalq şəraitdə Ulu Öndər Heydər Əliyevin müstəqilliyimizin möhkəmləndirilməsi sahəsində apardığı gərgin mübarizədən, möhtərəm prezidentimiz İlham Əliyevin bu siyasəti uğurla davam etdirməsindən xüsusi olaraq söz açdılar.
Məktəbin VIII a və III d sinif şagirdlərinin Doğma Azərbaycanımızla bağlı səslənən möhtəşəm ifaları bayram tədbirinə xüsusi rəng qatdı.
