Bu gün Beynəlxalq müəllimlər günüdür!
Ulu Öndərin Dünyada ən şərəfli peşə sahibi hesab etdiyi müəllimlər üçün bu günün ən dəyərli bayram hədiyyəsi 3d, 6k, 8a sinif şagirdlərinin kiçik bayram konserti oldu.
Məktəbimizin məzunu 680 bal toplamış Rəhimə Abbasovanın Bakı Ali Neft Məktəbindəki uğurları barədə Ali Neft Məktəbinin rektoru Elmar Qasımovun məktəbimizə ünvanladığı təşəkkür məktubu da bugünkü bayram sovqatları arasında xüsusi önəm daşıyır. Məzunlarımızın uğurları barədə təşəkkürlər şərəfli müəllim əməyinə verilən qiymətin təzahürüdür.
Biz də kollektiv olaraq bütün müəllimləri ürəkdən təbrik edir, onlara bu çətin, lakin şərəfli müəllim peşəsində uğurlar diləyirik.
