“Dahilər üçün dünyanın bir qapısı var - onlar dünyaya gəlirlər, lakin getmirlər”.
Məktəbimiz Azərbaycan Dövlət Mədəniyyət və İncəsənət Universitetinin birgə təşkilatçılığı ilə Beynəlxalq Muğam Mərkəzində Ulu öndərin anadan olmasının 95-ci ildönümünə həsr edilmiş ədəbi-bədii tədbir keçirdi. Tədbiri giriş sözü ilə məktəbin direktoru Ceyran xanım Kuliyeva açıq elan etdi. Təqdim edilən videoçarx hər kəsin diqqətini çəkdi. Bədii kompozisiya Ulu öndərin keçdiyi şərəfli həyat yolunu əks etdirən rəngarəng slaydlar və slaydları müşayət edən Heydər Əliyevin sevdiyi musiqi ilə üzvi surətdə bağlılıq yaradaraq tədbirə xüsusi rəng qatmış oldu. Məktəbin şagirdləri tərəfindən söylənilən şerlər və göstərilən səhnəciklər Azərbaycan Dövlət Mədəniyyət və İncəsənət Universitetinin tələbələrinin vokal ifaları ilə əvəzlənirdi. Tədbirdə iştirak edən Bakı Şəhəri üzrə Təhsil İdarəsinin müdir müavini Rəşad Tağıyev və əməkdaşları ədəbi bədii kompozisiyadan böyük zövq aldılar.
