Yarat Müasir İncəsənət mərkəzi ilə əməkdaşlığımız davam edir
Yarat Müasir İncəsənət mərkəzi ilə əməkdaşlığımız davam edir. Bu dəfəki görüşümüz idmanın yunan-roma güləş növü üzrə dünya və Avropa çempionu Rəsul Çunayevlə təşkil olundu. Azərbaycan idmanının möhtəşəm uğurları və ölkənin idman şərəfini ləyaqətlə təmsil edən idmançılarımızın təbliği bu gün hər bir təhsil müəssisəsinin başlıca vəzifələrindəndir. Məktəbimizin şagirdləri arasında bu gün idmanın müxtəlif növləri üzrə mötəbər yarışların, eləcə də Avropa çempionatının iştirakçısı və hətta qaliblərinin olması da bizcə fiziki tərbiyə müəllimlərimizin məqsədyönlü fəaliyyətinin nəticəsidir. Səkkizinci sinif şagirdlərinin bugünkü görüşdəki təəsüratları bizdə belə əminlik yaratdı ki, şagirdlərimiz arasında idmanın bu növünə olan meyil daha da artacaq. Yarat Müasir İncəsənət mərkəzi əməkdaşlarına məktəbimizlə müxtəlif mövzulu tədbirlərin təşkilinə görə öz minnətdarlığımızı bildiririk.
