Avropa çempionumuz
Karatenin vado idman növü üzrə Fransanın Paris şəhərində keçirilən 42-ci Avropa çempionatında məktəbimizin şagirdi Fərid Ağayev həmişə olduğu kimi bu dəfə də qələbə qazandı. Belə ki, Fərid fərdi görüş üzrə I, komanda halında isə II yerə layiq görüldü. Bir-birinin ardınca qazanılan bu uğurlar Fəridin gələcəkdə, hətta Olimpia çempionu olaraq müstəqil Azərbaycan bayrağını yüksəklərə qaldıracağına hər birimizdə əminlik hissi yaradır. Fərid, səni ürəkdən təbrik edir və səninlə qürur duyuruq. Qələbələrin bol olsun!
