Yeni dərs ilinə idman uğurları ilə başlayan gənc idmançılarımız
Türkiyənin Ərzurum şəhərində karate idman növü üzrə keçirilən beynəlxalq yarışda məktəbimizin onuncu sinif şagirdi Fərid Ağayev bütün rəqiblərinə qalib gələrək yenə də çempion oldu. İran İslam Respublikasinda Karate idman növü üzrə keçirilən 1-ci yay Olimpiyadasında üçüncü sinif şagirdi Raul Səfərəliyev də öz çəki dərəcəsində qalib gəlmişdir. Məktəbimizin kollektivi hər iki şagirdimizin idman sahəsindəki uğurları ilə qürur hissi keçirir və onların Azərbaycanın böyük idman tarixinə gələcəkdə də töhvə verəcəyinə əminliyini bildirir. 
