“Yurdumuza bahar gəlir”
Novruz bayramı – milli mənəvi dəyərlərin əbədiyaşarlıq rəmzidir. Novruz yeni gün, yeni həyat deməkdir. Baharın gəlişi ölkəmizin hər yerində olduğu kimi, məktəbimizdə də böyük coşğu ilə qeyd edilir. Bahar öz gözəlliyi ilə bütün fəsillərdən fərqləndiyi kimi, məktəb də bu gün öz səliqə-səhmanı ilə başqa günlərdən fərqlənir. Yəni Novruz bayramı öz təranələri ilə bahar ətirli çiçəklər biri-birini nəharətlə qarşılayır.“Yurdumuza bahar gəlir” başlığı altında keçirilən tədbirdə valideynlər, müəllimlər və şagirdlər iştirak edirdi. Deyirlər ki, Novruz bayramı Kosa və Keçəlsiz olmaz. “Kosa və Keçəl” səhnəciyi də izləyənlərin marağına səbəb oldu. Tədbir əsnasında bayram atributlarına, qədim sənət növlərinə, idman oyunlarına xüsusi diqqət çəkilirdi. Bayram şənliyi şagirdlərin rəngarəng çıxışları və rəqsləri ilə daha da canlandırdı. Çərşənbələr haqqında məlumatlar verilir, onların qədim köklərindən, mahiyyətindən danışılırdı. Bahar qızın gəlişi, Qorqud Atamızın hikmətli deyimləri ilə tədbir sona yaxınlaşırdı. Tonqal qalanaraq onun ətrafında birlik və bərabərlik rəmzi olan “Yallı” rəqsi ilə tədbir sona çatdı.
