“Yollarda təhlükəsiz davranışı öyrənək” devizi altında III intellektual yarış
Heydər Əliyev Mərkəzində Elm və Təhsil Nazirliyi, Azərbaycan Avtomobil Federasiyasının birgə təşkilatçılığı, "Regional İnkişaf" İctimai Birliyinin dəstəyi ilə "Azərbaycan Respublikasında yol hərəkətəinin təhlükəsizliyinə dair 2019 - 2023 - cü illər üçün Dövlət Proqramı"nın icrası çərçivəsində 27 noyabr 2023-cü il tarixində “Yollarda təhlükəsiz davranışı öyrənək” devizi altında ümumtəhsil müəssisələrinin şagirdləri arasında III intellektual yarış keçirilmişdir. Yarışda 189-190№ - li tam orta məktəbin yuxarı sinif şagirdləri də iştirak etmişdir. Təşkil edilmiş yarışın məqsədi şagirdlərə yol hərəkəti iştirakçılarının həyat və sağlamlığının qorunması, yollarda təhlükəsiz və mədəni davranışın təbliği, məktəblilərin yol hərəkəti qaydaları barədə maarifləndirilməsi və nəqliyyat vasitələri ilə tanışlığın təmin edilməsi idi.
