189-190 nömrəli məktəbdə "Riyaziyyat aylığı" elan olunmuşdur
Fəaliyyət planına əsasən Noyabr ayı 189-190 nömrəli məktəbdə "Riyaziyyat aylığı" elan olunmuşdur. Bu aylıq çərçivəsində açıq dərslər, dərs dinləmələr və müxtəlif tədbirlər təşkil olundu. 25/11/2022 ci il tarixdə Riyaziyyat aylığı çərçivəsində yekun tədbir keçirildi. Tədbirin təşkilatçısı Nüşabə Əhmədova, Aygün Cəfərova və digər riyaziyyat müəllimləri olmuşdur. Tədbirdə şagirdlər arasında riyaziyyatla bağlı maraqlı viktorina, breyn-rinq keçirildi. Məktəbin şagirdləri Nağıyeva Aylin və Qurbanov Aslan öz gözəl ifaları ilə tədbirə xüsusi rəng qatdılar .Bülbül adına Musiqi məktəbinin müəllim və şagird heyətinin əməkdaşlığı, onların gözəl ifaları çox maraqlı oldu. Tədbirin özünəməxsus xüsusiyyəti onun vətənpərvərlik ruhunda təşkil olunması idi. İfa olunan mahnılar və həll olunan misal və məsələlərin cavabları ZƏFƏR tariximizə aid idi. Sonda məktəb rəhbərliyi belə tədbirlərin həm tədris, həm də vətənpərvərlik ruhunda tərbiyə prosesində əhəmiyyətindən danışaraq təşkilatçılara təşəkkürlərini bildirdilər.
