"Zəfər tarixi" adlı konfransın keçirilməsi
Bakı şəhəri üzrə Təhsil İdarəsinin 18.04.2022-ci il tarixli əmrinə əsasən, məktəbimizdə “Zəfər tarixi” adlı konfrans keçirildi. Tarix müəllimləri və IX cu sinif şagirdlərinin iştirakı ilə keçirilən bu konfrans Lalə Məmmədovanın “I Qarabağ müharibəsi və onun nəticələri”, “Vətən müharibəsinin səbəbləri haqqında” təqdimatı ilə başlandı. IX A sinif şagirdi Elin Cəfərov “Vətən müharibəsinin hərbi əməliyyatları”, IX l sinif şagirdi Leyli Şabanova “Qarabağın tarixi”, Abbas Teymurzadə və Həbib Babayev isə “Vətən müharibəsinin qəhrəmanları”, 9b sinif şagirdi Esmira Məmmədova “Zəfər paradı və Qənimətlər parkı” haqqında ətraflı məlumat verdilər. Qeyd edək ki, Teymurzadə Abbas və Balayev Həbibin dayıları da Vətən müharibəsində torpaqlarımızın azad olunmasında iştirak etmişdilər. Tarix müəllimi Firuzə Məmmədova isə bu qələbə sevincini bizə yaşadan Ali Baş Komandan İlham Əliyevin dövlət rəhbəri kimi sərkərdəlik və diplomtik fəaliyyətini bir daha iştirakçılara xatırlatdı. Müzakirə formasında keçirilən bu konfrans şagirdlərimizin vətənpərvərlik ruhunda tərbiyə olunması sahəsində mühüm bir töhvə oldu.
