1 iyun -Uşaqların Beynəlxalq Müdafiəsi Günü
1 iyun -Uşaqların Beynəlxalq Müdafiəsi Günü ilə əlaqədar tədbir keçirildi.
Tədbirdə 189-190 nömrəli tam orta məktəbin ibtidai sinif müəllimi Nəzakət Məmmədova, 3-cü sinif şagirdləri və kitabxanaçılar iştirak etdilər.
Gələcəyin fidanları öz ifalarında ölkəmizdə uşaqların sosial və hüquqi müdafiəsi ilə bağlı fikirlər səsləndirdi, daim onlara qayğı göstərilməsi, Azərbaycan gələcəyinin qurucusu olacaq uşaqların sağlam mühitdə təhsil və tərbiyə almasını diqqətə çatdırdılar.
Kitabxananın uşaq şöbəsinin əməkdaşları Ukrayna xalq nağılı olan “Əlcək” nağılını səhnələşdirirək kiçikyaşlı məktəblilərə təqdim etdilər. Tamaşa balaca balalar tərəfindən sevinclə qarşılandı.
Həmçinin ,tədbirdə uşaqlara kitablar hədiyyə edildi, uşaq ədəbiyyatından ibarət hazırlanan müxtəlif sərgilər nümayiş olundu.
