Şəhid ailələrinə ziyarət

 Səbail rayonu 189-190 nömrəli məktəbin 5A sinif  şagirdlərinin 13.05.22 -ci il tarixdə   Bakının Qala  qəbiristanlığında uyuyan  Azərbaycan Silahlı Qüvvələrinin baş leytenantı Muxtar Qasımlının  məzarını ziyarət edib, önünə  gül dəstələri qoyublar.  Sonra şagirdlər Muxtar Qasımlının yaşadığı evə gedib, ailəsi ilə  görüşüb, ev muzeyini ziyarət ediblər. Onların bu ziyarətindən məmnunluğunu ifadə edən şəhidin atası Əli  və anası Almas Qasımlı bunun onlar üçün ən böyük təsəlli olduğunu bildiriblər . Almaz xanım şəhidin həyat və döyüş yolu barədə şagirdlərə ətraflı məlumat verib. Onlar  hər zaman Muxtarla fəxr etdiklərini  və onun ən uca zirvədə olduğunu dilə gətiriblər.  Bu gün bu körpə balaların şəhid Muxtar Qasımlıının ailəsini yad etməsi  onlar üçün ən böyük təsəlli olduğunu vurğulayan şəhidimizin atası belə tədbirlərin çox olmasını, şagirdlərin şəhidlərimizi daha yaxından tanımaları üçün bu cür ənənəni davam etdirmələrini qeyd edib. Bunun uşaqlarımızın milli ruhda böyüməsi  üçün  çox vacib oduğunu vurğulayib.

     Sinif rəhbəri  Salahova Nailənin  təşkilatçılığı ilə keçirilən tədbirdə   5 A sinif şagirdləri qəhrəmanlıq, şəhidlik, vətən, torpaq haqqında şeirlər səsləndirib, Muxtar Qasımlı kimi  Azərbaycanın ərazi bütövlüyü uğrunda canını fəda etmiş igidlərin heç zaman unudulmayacağını qeyd ediblər.

 Ana Vətənimizi qoruyan, uğrunda canından-qanından keçən  belə igid oğul və qızlarımızın xatirəsini yad etmək hər bir azərbaycanlının müqəddəs borcudur. Ən uca və müqəddəs zirvəni - şəhidlik zirvəsini fəth edənlərin xatirəsi hər bir azərbaycanlının qəlbində daim yaşayacaqdır.

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM
  • Azərbaycan müəllimi qəzeti
  • Sabahın alimləri layihəsi