Zəfər Günü münasibətilə ağacəkmə aksiyası keçirilib
Məktəb rəhbərliyinin təşəbbüsü və təşkilatçılığı ilə məktəbimizin ərazisində 8 Noyabr – Zəfər Günü münasibətilə ağacəkmə aksiyası keçirilib.
Torpağa məhəbbət, vətənpərvərlik onu qorumaqla yanaşı, həm də əkmək, zəhmətə qatlaşıb bağlar, yaşıllıqlar salmaqla mümkün olur. Zəfər Günü ilə əlaqədar ağacəkmə kampaniyasının təşkilində əsas məqsəd həyətyanı sahədə yaşıllıq zolaqlarının salınması, ekoloji tarazlığın bərpası və ətraf mühitin mühafizəsi olmuşdur.Aksiya zamanı şagirdlərimiz və müəllimlərimizin iştirakı ilə 100- ə yaxın ağac və gül kolları əkilmişdir.
Əkilən ağaclara gələcəkdə qulluq göstərilməsi üçün cavabdeh siniflər müəyyənləşdirilmişdir.
Aksiyanın təşkili ilə biz yalnız məktəb ərazisinin deyil, paytaxtımızın yaşıllaşdırılması və daha da gözəlləşməsinə bir töhfə vermiş olduq.
