Şagirdlərimizin Ukrayna yazıçısı ilə görüşü
Bakı Şəhər Mədəniyyət Baş İdarəsinin təşkilatçılığı ilə Səbail rayon MKS-nın əməkdaşları və məktəbimizin 2d sinif şagirdlərinin iştirakı ilə Ukraynanın Odessa şəhərində yaşayan Ukrayna Yazıçılar Birliyinin və Rusiya Yazıçılar Birliyinin üzvü, uşaq yazıçısı, şairə İnna İşyuk ilə onlayn görüşü keçirilib.
Görüşdə şairə öz şeirlərini kiçik dinləyicilərinə oxuyub və onlar üçün hazırladığı maraqlı sualları şagirdlərə ünvanlayıb. Məktəblilər müəllifin şeirlərindən nümunələr səsləndirib. Tədbirdə 44 günlük Vətən müharibəsindən, ermənilərin vəhşiliklərindən və bu mübarizədə haqlı tərəf olan Azərbaycanın qələbəsindən söhbət açılıb. Balaca oxucular bu çətin dönəmdə Azərbaycanın yanında olduğu üçün Ukrayna dövlətinə öz təşəkkürlərini bildiriblər. Sonda şagirdlər İsrailin tanınmış şairi Pyotr Davıdovun II Qarabağ müharibəsinə həsr etdiyi "Şəhidlərin xatirəsinə" adlı kompozisiyanı təqdim ediblər.
