Fənn müsabiqəsinin qalibiyik
25 may 2021-ci il tarixlərində ölkə üzrə 6-cı və 7-ci sinif şagirdləri arasında Məktəblilərarası VI Fənn Müsabiqələrinin final mərhələsi təşkil edilmişdir. 5 fənn üzrə keçirilən bilik yarışına müvafiq fənlər üzrə iştirakçılardan ən yaxşı nəticə göstərən 30 nəfər qalib seçilmişdir. Kimya fənni üzrə müsabiqənin final mərhələsinə vəsiqə qazanan məktəbimizin VII sinif şagirdi Salman İmamverdiyevin I yerə layiq görülməsi bizləri çox sevindirdi. Təbii ki, bu sevincdə ən çox payı olan Salmanın kimya müəllimi Gülbacı Salamova və Salman üçün münbit təhsil şəraiti yaradan valideynləridir. Məktəbin rəhbərliyi kollektiv adından Salmanı, valideynlərini və Gülbacı müəllimi ürəkdən təbrik edir,Salmana qarşıdakı təhsil həyatındakı daha gərgin müsabiqə, yarışmalarda uğurlar diləyir.
